<Bilbo, Ekainak 22-23, Euskalduna Jauregia>

SOLDATA-ARRAKALARI BURUZKO 1. KONGRESUA

egunak
orduak
minutuak
segundoak
1. eguna: Ekainaren 22a
9:00-9:30
Irekiera ekitaldia
Idoia Mendia Cueva, Bigarren Lehendakariordea eta Lan eta Enpleguko sailburua
9:30-9:45
“Demokrazia parekidea”
Irune Aguirrezabal Quijera. Generoko diziplina anitzeko ikasketetan doktorea, aholkularia eta irakaslea.
Asa Ragnér-en bideoa. Nazio Batuetako idazkariorde nagusia eta NBE Emakumeak erakundeko zuzendari exekutibo laguntzailea, politiken, programen, gizarte zibilaren eta estatu kideentzako laguntza arauemailearen ardura duena.
9:45–10:30
“Desberdinkeriaren kostua”
Carmen Calvo Poyato. Diputatuen Kongresuko Berdintasun Batzordeko presidente eta Gobernuko lehendakariorde ohia.
10:30-11:15
“Arrakalaren hasiera, genero-alborapenak ikasketak hautatzean”
Milagros Sainz Ibañez Senior ikertzailea, eta UOCko Generoa eta IKTak ikerketa-taldeko zuzendaria.
11:15-11:45
Etenaldia, kafea
11:45-12:45
“Soldata gap-a generoaren arabera deskonposatuz Espainiako lan-merkatuan”
Diego Dueñas Fernandez. Alcalá Unibertsitateko Irakasle Laguntzaile Doktorea.
12:45-13:30
“Kontziliazio erantzunkideak eta denboraren erabilera sozialak soldata-arrakalan dituzten ondorioak”
Teresa Torns Martín, Irakasle erretiratua. Universitat Autònoma Barcelona.
13:30-14:30
“Ekonomia eta Gizarte Kontseiluaren (CES) Emakumeak, Lanak eta Zaintzak: proposamenak eta etorkizunerako aukerak txostenaren aurkezpena eta ondorioak.”
Elena Blasco Martín. Espainiako Ekonomia eta Gizarte Arazoetarako Batzordeko kontseilaria eta Espainiako Gizarte-errealitatearen eta emakumeen lanaren Lan Batzordeko presidentea, txostena egiteaz arduratu da.
2. eguna: Ekainaren 23a
9:00-9:15
Egunari hasiera ematea.
Eva Domaika, Aurkezlea
9:15–10:00
“Lanaren etorkizuna, emakumearen etorkizuna lanean”
Luz Rodriguez Fernandez, Lanaren Zuzenbideko katedraduna Gaztela-Mantxako Unibertsitatean.
10:00-10:45
“Sektore pribatuko generoko soldata-arraila eta horri aurre egiteko NBE Emakumeak erakundeak dituen tresnak”
Ana Pashalishvili, Europa eta Asia Zentraleko Eskualde Bulegoa NBE Emakumeak, Emakumearen Ahalduntze Ekonomikoa.
10:45-11:15
Etenaldia, kafea
11:15-12:00
“Soldata-arrakala egiturazko desberdintasun gisa: Europaren erantzuna”
Dolores Morondo Taramundi, . Deustuko Unibertsitateko Giza Eskubideen Institutuko ikertzaile nagusia.
12:00-12:45
“Soldata-arrakala Espainian”
José Ignacio Conde-Ruiz, Ekonomian katedraduna Complutense Unibertsitatean eta FEDEAko zuzendariordea.
12:45-14:15
Gogoeta egiteko mahaia: “Genero-berdintasuna enpresan, lehiakortasun-faktorea”
  • Iberdrola: Mercedes Moreno Nieto, Iberdrola Taldeko Ordainketa Sistemen arduraduna.
  • Microsoft Ibérica: Montse Pardo Bayona, Microsoft Iberikako Erakunde Harremanetarako zuzendaria.
  • Banco Santander: Patricia Arias Otero, Euskal Autonomia Erkidegoko lurralde-zuzendaria
  • BlaBla Car: Shannon Vetes, BlaBlaCar Programako Burua
  • Tubacex: Ainhoa Rivera Azcoitia, Pertsonen Kudeaketako eta Tubos Inoxidables Tubacex eta de Aceria de Alavako Antolaketako zuzendaria.
14:15-14:30
Biltzarrari amaiera emateko ekitaldia:
Elena Pérez Barredo. Lan eta Gizarte Segurantza sailburuordea.

Hizlariak

Irune Aguirrezabal

25 urte baino gehiago eman ditu gai global eta europarretan, Espainiako Gobernuan eta Eusko Jaurlaritzan, Nazio Batuetan (ONUDC, NBE Emakumeak, OIM) eta gizarte zibileko erakundeetan erantzukizun politiko, estrategiko, juridiko eta talde multikulturalen kudeaketako postuetan. Europan, Latinoamerikan eta Kariben eta Mendebaldeko eta Erdialdeko Afrikan nabarmentzen da.

Bere ibilbidean zehar, arauen eta politika publikoen aurrerapenak kontzeptualizatu, sustatu eta koordinatu ditu, diziplinen eta erakundeen arteko sinergiak erraztuz eta sortuz, honako gai hauetan: emakumeen ahalduntzea eta demokrazia paritarioa, migrazioen kudeaketa integrala, nazioarteko zigor gortea ezartzeko kanpaina globala edo terrorismoaren prebentzioaren eta giza eskubideen babesaren arteko lotura.

Doktorea genero-diziplinarteko ikasketetan, masterra nazioarteko harremanetan, diplomaduna ekonomiako ikasketetan, graduondokoa zientzia politikoetan eta lizentziaduna zuzenbidean. Estatu Batuetan, Londresen, Parisen, Estrasburgon, Harvarden eta Bruselan ikasi du. Erasmus beka, AEBetako Estatu Departamentuaren eta Frantziako Kultura Ministerioaren VLP beka.

Kanpo Politika aldizkariko Aholku Batzordeko kidea da, eta hainbat think tanketan, unibertsitatetan eta elkartetan parte hartzen du txostengile, egile edo aholkulari gisa.

irune

Irune Aguirrezabal

Generoko diziplina anitzeko ikasketetan doktorea, aholkularia eta irakaslea.

Asa Regner

Asa Regnér Nazio Batuetako idazkariorde nagusi eta NBE Emakumeak erakundeko zuzendari exekutibo laguntzaile izendatu zuten 2018ko martxoan. Lehenago, 2014tik aurrera, Haur eta Adineko Helduen eta Genero Berdintasunaren ministroa izan zen Suedian.

Esperientzia zabala du genero-berdintasunaren eta emakumeen ahalduntzearen arloan. Ildo horretan, lidergo-postuetan aritu da gobernuko eta gobernuz kanpoko erakundeetan eta Nazio Batuetan. Prozesu eta kanpaina garrantzitsuen buru izan da, feminismoaren eta genero-berdintasunaren aldeko aktibista nagusi gisa.

2013an eta 2014an, NBE Emakumeak-eko herrialde-zuzendari jardun zuen Bolivian, eta Familia Plangintzako Nazioarteko Federazioko Suediako saileko idazkari nagusia izan zen. Halaber, Justizia Ministerioko Plangintza Saileko zuzendaria (2004-2006) eta aholkulari politikoa izan zen (1999-2004) Lehen Ministroaren Bulegoan.

asa

Asa Regner

Nazio Batuetako idazkariorde nagusia eta NBE Emakumeak erakundeko zuzendari exekutibo laguntzailea, politiken, programen, gizarte zibilaren eta estatu kideentzako laguntza arauemailearen ardura duena

Carmen Calvo

Kordobako Cabra herrian jaio zen 1957an. Zuzenbide Konstituzionalean doktore da Kordobako Unibertsitatean, eta Zuzenbide Publikoan lizentziaduna, Sevillako Unibertsitatean.

Ibilbide politiko eta profesionala: Diputatuen Kongresuko Berdintasun Batzordeko lehendakari (2021etik gaur egunera arte); Gobernuko lehen presidenteorde eta Presidentetzako, Gorteekiko Harremanetako eta Memoria Demokratikoko ministro (2020ko urtarriletik 2021eko uztailera); Gobernuko presidenteorde eta Presidentetzako, Gorteekiko Harremanetako eta Berdintasuneko ministro (2018ko ekainetik 2020ko urtarrilera); PSOEko Batzorde Exekutibo Federaleko Berdintasun Areako idazkari (2017-2021); Kongresuko lehen presidenteorde (2007-2008); Kultura ministro (2004-2007); Kordobako diputatu Diputatuen Kongresuan (2004-2011); Kordobako diputatu Andaluziako Parlamentuan (2000-2004); Kultura kontseilari Andaluziako Juntan (1996-2004); Kordobako Kontseilu Ekonomiko eta Sozialeko kontseilari (1994-1996); Kordobako Unibertsitateko idazkari nagusi (1994-1996); Andaluziako Kriminologiako Unibertsitate arteko Institutuko idazkari (1992-1996), eta Zuzenbide Konstituzionaleko irakasle titular Kordobako Unibertsitateko Zuzenbide Fakultatean.

carmen

Carmen Calvo

Diputatuen Kongresuko Berdintasun Batzordeko presidente eta Gobernuko presidenteorde.

Milagros Sáinz

Milagros Sáinz Generoa eta IKTak ikerketa-taldeko buru da UOCko IN3 institutuan. Gizarte Psikologian doktorea da UNEDen, eta Psikologian lizentziaduna, Salamancako Unibertsitatean. Haren ikerketa-lerroak genero-rolek eta -estereotipoek haurtzaroan eta nerabezaroan duten garapenari buruzkoak dira, eta aztertzen du horiek zer-nolako eragina duten ikasketak aukeratzeko unean, erdiespenak (akademiko eta profesionalak) lortzeko orduan eta zientziarekiko eta teknologiarekiko jarreran.

milagros

Milagros Sáinz

Senior ikertzailea, eta UOCko Generoa eta IKTak ikerketa-taldeko zuzendaria

Diego Dueñas

Diego Dueñas Fernández 2018tik Ekonomia Departamentuko irakasle laguntzaile doktorea da Alcaláko Unibertsitatean, eta Ekonomia Graduko koordinatzailea ere bai. Ekonomiako doktorea da Alcaláko Unibertsitatean, eta Gizarte Zientzietako doktore-tesirik onenaren aparteko saria jaso zuen 2013an.

Bere ikerketa-lerro nagusia lan-merkatuko lan-banaketari eta generoagatiko soldata-bereizkeriari buruzko analisiarekin dago lotuta. Ospe handiko aldizkarietan argitaratu ditu artikuluak; besteak beste, hauetan: International Labour Review, New Technology, Work and Employment eta Revista de Economía Aplicada eta Social Science Information.

diego

Diego Dueñas

Espainiako lan-merkatuko generoagatiko soldata-arrakala deskonposatzen

Teresa Torns

Teresa Torns Soziologian lizentziaduna eta doktorea da Deustuko Unibertsitatean.

UABko (Bartzelonako Unibertsitate Autonomoko) irakasle erretiratua da. UABko Centre d’Estudis Sociològics sobre la Vida Quotidiana i el Treball (QUIT) zentroko ohorezko kidea da. Institut d’Estudis del Treballeko (IET) kidea eta unibertsitate horretako Seminari d’Estudis de la Dona (SED) mintegiko koordinatzailea izan da. Institut Interuniversitari de les Dones i el Gènere (IIEDG) erakundeko idazkaria izan da. Eta Emakume Ikertzaile eta Teknologoen Elkarteko (AMIT) bazkidea.

Haren ikerketa-jardueran, genero-desberdintasunak izan ditu ardatz, lanaren eta eguneroko bizitzaren esparruetan: lan-merkatua, etxeko lanak eta zaintzak, denbora eta eguneroko ongizatea, denbora-politikak eta kontziliazioa.

Gaur egun, ebaluazio-, aholkularitza- eta dibulgazio-lanak egiten ditu, batik bat.

teresa

Teresa Torns

Irakasle erretiratua. Universitat Autònoma Barcelona

Elena Blasco

Geografian eta Historian lizentziaduna.

Goi-mailako teknikaria Laneko Arriskuen Prebentzioan, espezialitate hauetan: Ergonomia eta Psikosoziologia Aplikatua, eta Higiene Industriala.

Masterrak: Ingurumenaren Kudeaketa Eraikuntzaren Sektorean, Energetika Eraikuntzan, Generoa eta Berdintasun Politikak, eta Lidergoa, Komunikazioa eta Erakundeen Zuzendaritza.

Langile Komisioetako (CCOO) Eraikuntza, Zura eta Antzekoen Estatuko Federazioko Oinarrizko Eskubideen idazkaria. Langile Komisioetako (CCOO) Lan Osasun eta Ingurumeneko idazkaria Eraikuntzan eta Zerbitzuetan.

Laneko Segurtasun eta Osasun Batzorde Nazionaleko kidea. Laneko Segurtasun eta Higieneko Institutu Nazionaleko Kontseilu Nagusiko kidea. FLC, CEMA eta FEPRL fundazioetako patroia.

Langile Komisioetako (CCOO) Emakumeen eta Berdintasuneko idazkari konfederala; beraz, titularra izan nintzen Europako Sindikatu Konfederazioko Emakumeen Batzordean (CES-ETUC) eta Nazioarteko Sindikatu Konfederazioan (CSI-ITUC).

Gaur egun, Langile Komisioetako (CCOO) Konfederazioko Ikasketa eta Prestakuntza Sindikaleko idazkaritzako kidea. CESeko kontseilaria 1. taldean. Espainiako Emakumeen Gizarte eta Lan Errealitateari buruzko Lan Batzordeko burua, Espainiako Ekonomia eta Gizarte Kontseiluan (CES).

elena

Elena Blasco

Espainiako Ekonomia eta Gizarte Arazoetarako Batzordeko kontseilaria eta Espainiako Gizarte-errealitatearen eta emakumeen lanaren Lan Batzordeko presidentea, txostena egiteaz arduratu da

María Luz Rodríguez

María Luz Rodríguez Fernández Lanaren eta Gizarte Segurantzaren Zuzenbidean katedraduna da Gaztela-Mantxako Unibertsitatean, eta senior aditua, Lanaren Nazioarteko Erakundeko Lan Merkatuko Erakundeetan (Geneva). Aditua da iraultza teknologikoak enpleguan, lan-harremanetan eta gizarte-babesean duen eraginaren arloan, eta genero-ikuspegiarekin aztertzen du. Honako hauek dira bere azken liburuak: Plataformas digitales y mercado de trabajo (2019), Humanos y robots: empleo y condiciones de trabajo en la era tecnológica (2020) eta Tecnología y Trabajo: el impacto de la revolución digital en los derechos laborales y la protección social (2021).

luz

María Luz Rodríguez

Lanaren Zuzenbideko katedraduna Gaztela-Mantxako Unibertsitatean

Ana Pashalishvili

Ana Pashalishvilik 11 urte baino gehiagoko esperientzia du Giza Eskubideen arloan, Genero Berdintasunean eta Emakumearen Ahalduntzean 10 urte baino gehiagoko lan-esperientzia barne.

Sektore publikoan eta pribatuan lan egin ondoren, Anak NBE Emakumeak erakundearekin bat egin zuen 2013an, eta ordutik emakumeen ahalduntze ekonomikoari buruzko hainbat proiekturen arduraduna izan da. Anak Banku eta Finantza Zuzenbideko masterra du Estrasburgoko Unibertsitatean (Frantzia), eta hainbat programa exekutibo egin ditu ekonomian eta kudeaketan.

Ana Pashalishvilik xede-talde batzuen inklusio-proiektuetan lan egin du, esperientzia du ekintzailetza bizkortzeko programak garatzen eta gauzatzen, eta sektore pribatuaren partaidetza-ekimenetan lan egiten du 2016tik.

ana

Ana Pashalishvili

Europa eta Asia Zentralerako Eskualde Bulegoa NBE Emakumeak, Emakumearen Enopderamiento Ekonomikoa.

Dolores Morondo

Dolores Morondo Taramundi (Bilbo, 1971) Deustuko Unibertsitateko Giza Eskubideen Institutuko ikertzaile nagusia da gaur egun. Zuzenbideko lizentziaduna da (espezializazio ekonomikoko diplomarekin) Deustuko Unibertsitatean, eta Zuzenbideko doktorea, Fiesoleko Europar Unibertsitate Institutuan.

2001etik 2011ra bitartean, Urbinoko Unibertsitatean (Italian) garatu zuen karrera akademikoa. Haren karrera profesionalari dagokionez, Europako Batzordearen lankidetzaren eta giza eskubideen arloko programetan (2002-2010) aditu independente jardun du.

2020ko urtarrilaz geroztik, Espainiako bi ordezkarietako bat da Europako Batzordeko Genero-berdintasunaren eta bereizkeriarik ezaren esparruko Lege Adituen Sarean.

Doktorego-tesia egin zuenetik —gaia: Europako Justizia Gortearen argudioetako desberdintasunaren dilema—, honako hauek izan dira haren ikerketa-gaiak: giza eskubideak eta diskriminaziorik ezaren printzipioa, zuzenbidearen teoria kritikoa —batez ere teoria feminista—, argudiaketa eta metodologia juridikoak.

dolores

Dolores Morondo

Deustuko Unibertsitateko Giza Eskubideen Institutuko ikertzaile nagusia

José Ignacio Conde-Ruiz

José Ignacio Conde-Ruiz Ekonomian doktorea da Madrilgo Carlos III.a Unibertsitatean (Aparteko Sariarekin), Analisi Ekonomikoaren Oinarrietan katedraduna, Madrilgo Complutense Unibertsitatean, eta Ekonomia Aplikatuko Ikasketen Fundazioko (FEDEAko) zuzendariordea.

Ekonomia Gaietarako Aholku Batzordeko kide da, baita Ekonomia eta Gizarte Kontseiluko (CES) kontseilaria ere, Hirugarren Taldeko aditu gisa.

2013an Pentsioen Jasangarritasun Faktorea garatzeaz arduratu zen Adituen Batzordeko kide izan da. Santalucia Institutuko Adituen Foroko kide da. Gobernuko presidentearen Bulego Ekonomikoan ere lan egin du Politika Ekonomikoko zuzendari nagusi gisa (2008-2010) eta Munduko Bankuko kanpo-aholkulari gisa.

Ikerketa- eta irakaskuntza-lanak egin ditu honako hauetan: Bartzelonako Unibertsitate Autonomoan, Florentziako European University Institute-an, Milango Università Bocconi-n eta Universitat Pompeu Fabran. Ekonomia politikoa, ekonomia publikoa eta makroekonomia dira bere ikerketa-arloak. Aldizkari akademiko hauetan argitaratu da bere ikerketa: Review of Economic Studies, Journal of the European Economic Association, Journal of Public Economics, Economic Theory, The Economic Journal eta Review of Economic Dynamics.

Nadaesgratis.es blogeko kolaboratzailea da, eta ¿Qué será de mi pensión? liburua idatzi du.

conde ruis

José Ignacio Conde-Ruiz

Ekonomian katedraduna Complutense Unibertsitatean eta FEDEAko zuzendariordea

Mercedes Moreno

Enpresa Zientzietan lizentziaduna (Luis Vives CEU Unibertsitate Ikastetxea, Alcalá de Henaresko Unibertsitateari atxikia). Graduondoko ikastaroa Giza Baliabideen Zuzendaritzan (Madrilgo Unibertsitate Autonomoa – Madrilgo Merkataritza Ganbera).

1998an, Iberdrola Taldean sartu zen, eta, orduz geroztik, hainbat erantzukizun izan ditu giza baliabideen esparruan, ordainsarien arloan espezializatuta. 2017tik, Iberdrola Taldeko Ordainketa Sistemen arduraduna da. Iberdrola Taldeko Berdintasunaren, aniztasunaren eta kontziliazioaren jarraipen-batzordean eta Global Diversity and Inclusion Council taldean hartzen du parte.

mercedes

Mercedes Moreno Nieto

Iberdrola Taldeko Ordainketa Sistemen arduraduna

Montserrat Pardo

Montserrat Pardo, Microsoft Ibéricako Erakundeekiko Harremanetarako zuzendaria eta Aniztasun eta Inklusioaren liderra Microsoft Europen, Enpresen Zuzendaritzan eta Administrazioan lizentziaduna da European School of Management ESCP erakundean. Horrez gain, titulu hauek ditu: Diplôme Grande Ecole de Commerce (Frantzia), European Master in Management (Erresuma Batua) eta Diplom Kauffrau (Alemania). 24 urteko ibilbidea du IKTen sektorean; besteak beste, Orange eta Telefónica konpainietan egin du lan, eta, azken 16 urteetan, Microsoft Ibérican aritu da, Erakundeekiko Harremanetarako zuzendari. Amets handiak maite ditu, eta izugarri gustuko du bere jardunean bikaintasuna lortzea eta lanean ondo pasatzea. Enpatikoa, positiboa eta erresilientea da, eta eraldaketa digitalak gizartean duen eragina maximizatzeko jarduten du egunero. Oso atsegin ditu komunikazioa, hezkuntza, aniztasuna eta jasangarritasuna. Sei hizkuntza menderatzen ditu, eta Europako hainbat hiritan bizi izan da, hala nola Parisen, Oxforden, Frankfurten, Berlinen, Bartzelonan, Madrilen eta Bilbon.

montse

Montse Pardo

Erakundeekiko Harremanetarako zuzendaria, Microsoft Ibérica

Patricia Arias

Patricia, Mexikon 1968an jaio zen bilbotarra. Zuzenbide Ekonomikoan lizentziaduna da, Deustuko Unibertsitatean. Banco Santanderren egiten du lan 1991tik, eta, orduz gero, Grupo Santanderren garatu du bere ibilbide profesional osoa. Merkataritza-postu guztietatik igaro da, eta, pixkanaka, gero eta erantzukizun handiagoa hartu du. Duela zazpi urte, gaur egungo kargura iritsi zen: Euskal Autonomia Erkidegoko lurralde-zuzendaria da.

Negozioaren eta pertsonen erantzulea ez ezik, bankuaren ordezkaria ere bada Bilboko Arte Ederren Museoko Patronatuan eta Innobasqueko Batzordean, eta APDko, Mondragon Innovación Funtseko, Seed Capitaleko eta ABE Capital Partnerseko kontseiluetan. Gainera, Deusto Social Labeko aholku-batzordeko kidea da.

Urte hauetan, besteak beste programa hauekin osatu du bere prestakuntza: Zuzendaritza Garapen, Administrazio eta Enpresen Kudeaketako Goi-mailako Programa; Corporate Leadership Programme Santander CLP; Wharton Strategic Finance in Banking Programme, Finance in Banking; W50 Program- Prepairing Our Women Board Members of Tomorrow, eta Managementaren eta Lidergoaren Programa Exekutiboa.

patricica

Patricia Arias

Euskal Autonomia Erkidegoko lurralde-zuzendaria

Shannon Vettes

Shannon estatubatuarra da jatorriz eta, gaur egun, Frantzian bizi da. 20 urteko esperientzia profesionala du teknologiaren eremuan. Egun, BlaBlaCar enpresako programa-burua da, Parisko egoitzan. Hainbat ingeniaritza- eta produktu-talde zuzentzen ditu, plataformaren efizientzia areagotzeko: kalitate-kontrola, kokapena, programen kudeaketa eta Agile Coachinga. Gainera, BlaBlaCarreko genero-berdintasuneko barne-lantaldearen buru da, DEIren —aniztasuna, berdintasuna eta inklusioa— babesle sutsua da eta taldeak eta misioak hazarazten saiatzen da.

shannon

Shannon Vettes

Head of Program BlaBlaCar

Ainhoa Rivera

Deustuko Unibertsitatean Zuzenbidean lizentziatua eta Laneko Arriskuen Prebentzioko goi-mailako teknikaria.

Nire ibilbide profesionala abokatu independente gisa hasi nuen, lan-gaietan, 4 urtez.

Ondoren, enpresa pribatu batean hasi nintzen lanean, 23 urte eman nituen hainbat sektoretako hainbat konpainiatan Pertsonak Kudeatzeko arloaren buru izaten. SITEL CORPORATIONeko contact centers zerbitzuen sektorean, NORTEN PREFABRICADOS DE HORMIGONeko zementuaren deribatuen sektorean, eta, gaur egun, duela 10 urtetik hona, TUBACEX TALDEKO Euskadiko hodien eta altzairuaren instalazioetako siderometalurgiaren sektorean, pertsonen arloan lan egin dut

ainhoa

Ainhoa Rivera

Arabako Tubacex Tubos Inoxidables y de Acería enpresaren Pertsonak Kudeatzeko eta Antolatzeko arloaren zuzendaria